باؤ (چين) 10 اپرېل (اے پي پي) وزيراعظم شاهد خاقان عباسي وئېلي دي په اولسي كچه پراخا روابط د شريكو اړيكو استحكام لپاره مهم دي٬پاكستان هانګ كانګ تر ټولو لويه او مهمه آزاده تجارتي سيمه ګڼي٬د هانګ كانګ كاروباري خلق په پاكستان كښې د مالياتي خذماتو٬ټېكنالوجۍ لاجسټكس او د انفراسټركچر په څانګو كښې په سرمايه كارۍ ګټھ ترلاسه كولې شي۔ده دا خبرې هانګ كانګ چيف ايګزېكټيو كيري لام سره په ملاقات كښې وكړې چا چې د باؤ فورم په موقع ده سره ملاقات كولو۔وزيراعظم كيري لام ته د كامياب انتخابي عمل د لارې د چيف ايګزېكټو چوكۍ په سنبهالولو مباركي وركړه۔وزيراعظم ووئيل هانګ كانګ د 25 زره پاكستانيانو وګړو كور دے۔وزيراعظم د هانګ كانګ څخه په پاكستان انويسټمنټ فورم كښې د سرمايه كارو په ګډون كولو د اطمينان څرګندونه وكړه او وې وئېل پاكستان هانګ كانګ يو ځانګړې او لويه آزاده تجارتي سيمه ګڼي۔ده د هانګ كانګ د حكومت په شركت سره د تجارت او سرمايه كارۍ د ودې دستورو او كاروباري غونډو لپاره هيله څرګنده كړه۔وزيراعظم د هانګ كانګ چيف ايګزېكټيو ته د پاكستان دورې كولو بلنه وركړه۔د هانګ كانګ چيف ايګزېكټيو د اوسني حكومت د اقتصادي پرمختګ د هڅو ستائنه وكړه او هيله يې څرګنده كړه چې په اقتصادي او اولسي كچه به روابط لا استحكام ومومي
