اسلام آباد 07 اګست (اے پي پي) د بشري حقونو وفاقي وزيرې ډاکټر شيريں مهرالنسا مزاري وئيلي دي د مقبوضه کشمير خصوصي حېثيت بدلول د جنيوا کنونشن له مخې جنګي جرم دے ٬ اسلامي نړۍ له په مسلمانانو د تشدد په مسئله غلې پاتې كېدل نه دي پكار ٬ د کشمير په اړه د هند په اوسني اقدام نړيواله رائے عامه هوارولو لپاره به موثره اقدامات كول وي۔ د شورو په ورځ د پارلمان شريكې غونډه كښې د مقبوضه کشمير په صورتحال روان بحث كښې ډاکټر شيريں مزاري ووئيل هند چې كوم ګامونه پورته كړي وزيراعظم ئې تېره ورځ هم ذكر كړې چې د كومې نظريې له مخې د نرېندرا مودي حكومت دا ګامونه پورته كړي۔ دې ووئيل هند په كشمير كښې كلسټر بمونه كاروي٬ هندي واكمن بدمعاشي كوي٬ هند وړومبې د باب 6م له مخئ كشمير متنازعه مسئله تسليم كړې او دا ئې د دواړو هېوادونو ترمېنځه نړيواله شخړه ګرځولې۔ دې ووئيل د مقبوضه کشمير خصوصي حېثيت بدلول د جنيوا کنونشن له مخې جنګي جرم دے ٬ اسلامي نړۍ له په مسلمانانو د تشدد په مسئله غلې پاتې كېدل نه دې پكار ۔ دې ووئيل هند د جنګ او تشدد په تيارۍ كښې دے ٬ د پاكستان قام دا صورتحال نه قبولوي٬ كه هند دا ګڼي چې دې كاروائيو سره به د كشميريانو هلې ځلې خَتمې شي نو دا به د ھغوي خام خيالي وي٬ دې ووئېل پاكستان كشميريانو سره ولاړ دے٬ پارلمان څخه په اتفاق د قرارداد منظورولو سره بايد نړۍ ته كوټلې ځواب وركړې شي
