اسلام آباد – 06 – ڊسمبر (اي پي پي) وزيراعظم محمد شهباز شريف عالمي برادري تي زور ڏنو آهي ته اها ڀارت ۾ وڌندڙ مذهبي نفرت جو نوٽيس وٺي. پنهنجي ٽوئيٽ ۾ هن چيو ته اڄ تاريخي بابري مسجد جي انهدام جي 30 هين ورسيءَ ملهائي پئي وڃي. هندو انتهاپسندن پاران شروع ڪيل تبديلي جو عمل هاڻي ڀارتي مسلمانن ۽ ٻين اقليتن جي زندگين جي لاءِ هڪ خوفناڪ خواب بڻجي ويو آهي. هن چيو ته دنيا کي ڀارت ۾ وڌندڙ مذهبي نفرت جو نوٽيس وٺڻ گهرجي.
