اسلام آباد۔15اگست(اے پی پی)وزیراعظم محمد شہباز شریف این ڈی ایم اے کوں خیبر پختونخوا د?? صوبائی حکومت اتے پی ڈی ایم اے نال تعاون جاری رکھݨ، انہاں کوں ریسکیو اتے ر??لیف آپریشن اچ پورا ہتھ ونݙاوݨ اتے سارے وسائل استعمال کرݨ دی ہدایت کیتی اے۔ وزیراعظم محمد شہباز شریف دی زیر صدارت ملک اچ حالیہ بارشاں اتے سیلاب دی صورتحال دا جائزہ گھنݨ کیتے ہنگامی اجلاس تھیا۔ چیئرمین این ڈی ایم اے لیفٹیننٹ جنرل انعام حیدر ملک وزیراعظم کوں ملک دے اتلے حصیاں اچ کلاؤڈ برسٹ، فلیش فلڈز نال تھیوݨ آلے نقصانات اتے ر??سکیو اتے ر??لیف آپریشن تے بریفنگ ݙتی۔ وزیراعظم کوں اجلاس اچ نقصانات دا جائزہ پیش کرݨ دے نال نال ریسکیو اتے ر??لیف آپریشن تے پیشرفت دا ݙسایا ڳیا۔ وزیراعظم این ڈی ایم اے کوں خیبر پختونخوا د?? صوبائی حکومت اتے پی ڈی ایم اے نال تعاون جاری رکھݨ، انہاں کوں ریسکیو اتے ر??لیف آپریشن اچ پورا ہتھ ونݙاوݨ اتے ایں سانڳے سارے وسائل استعمال کرݨ دی ہدایت کیتی۔ وزیراعظم چیئرمین این ڈی ایم اے کوں خیبر پختونخوا د?? صوبائی حکومت نال ریسکیو اتے امدادی سرگرمیاں کیتے رابطے ٻئے تکڑے کرݨ دی ہدایت کیتی۔ وزیراعظم چیئرمین این ڈی ایم اے کوں اے و?? ہدایت کیتی جو خیبر پختونخوا حکومت کوں خیمے، دوائیاں، کھاوݨ پیوݨ دیاں شئیں اتے ٻیا امدادی سامان تیکے پچایا ونڄے۔ انہاں ہدایت کیتی جو ترجیحی بنیاداں تے امدادی سامان کوں ٹرکاں تے ٻھیڄیا ونڄے، سیلاب نال متاثرہ علاقیاں اچ پھسیے لوکاں اتے سیاحواں کوں تیکھے محفوظ علاقیاں تے پچایا ونڄے۔ وزیراعظم گورنر خیبر پختونخوا فیصل کریم کنڈی نال وی فون تے ڳالھ مہاڑ کیتی۔ وزیر اعظم محمد شہباز شریف وزیرِاعلی خیبر پختونخوا علی امین گنڈا پور نال وی فون تے ڳالھ مہاڑ کیتی۔ وزیراعظم خیبر پختونخوا اچ حالیہ کلاؤڈ برسٹ اتے فلیش فلڈز نال قیمتی جاناں دے ضیاع تے افسوس کیتا۔ وزیراعظم وزیرِاعلی نال ڳالھ مہاڑ کریندے آکھیا جو این ڈی ایم اے کوں ہدایت کیتی اے جو او صوبائی حکومت دی ریسکیو اتے ر??لیف آپریشن اچ ہر قسم دی معاونت کرے، وفاقی حکومت صوبائی حکومت دی ہر قسم دی مدد کریسی۔ انہاں آکھیا جو وفاقی حکومت دوائیاں، خیمے اتے کھاوݨ پیوݨ دیاں شئیں وی ٻھڄیندی پئی اے، ایں اوکھ اچ ساݙیاں ساریاں ہمدردیاں متاثرین دے نال ہن۔
.jpg)
