اسلام آباد – 31 – جولاءِ (اي پي پي) وزيراعظم محمد شهباز شريف چيو آهي ته مادر ملت محترمه فاطمه جناح عوام، جمهوريت ۽ ملڪ جي لاءِ تاريخي ڪردا ادا ڪيو، آمريت جي خلاف ڄمي بيٺي، هن تحريڪ پاڪستان ۽ ملڪ جي لاءِ بي مثال ڪم ڪيو ۽ قربانيون ڏنيون، قوم مادر ملت جي احسانن جي مقروض رهندي. مادر ملت محترمه فاطمه جناح کي سندس 130 هين پيدائش جي ڏهاڙي تي خراج عقيدت پيش ڪندي وزيراعظم چيو ته محترمه فاطمه جناح هڪ عظيم ڀاءُ جي عظيم ڀيڻ هئي، فاطمه جناح قوم جي لاءِ ماءُ جو درجو رکي ٿي، قوم تي سندس تمام گهڻا احسان آهن. هن چيو ته محترمه فاطمه جناح باباءِ قوم جي لاءِ حوصلي ۽ همت جو ذريعو هئي، مادر ملت آمريت جي خلاف ڄمي بيٺي، عوام، جمهوريت ۽ ملڪ جي لاءِ تاريخي ڪردار ادا ڪيو، محترمه فاطمه جناح تحريڪ پاڪستان ۽ ملڪ جي لاءِ بي مثال ڪردار ادا ڪيو ۽ قربانيون ڏنيون. هن چيو ته محترمه فاطمه جناح جي شخصيت اڄ جي ٻارڙين ۽ عورتن جي لاءِ مشعل راهه آهي، قوم مادر ملت جي پاڪستان جي لاءِ خدمتن کي خراج عقيدت پيش ڪري ٿي ۽ سدائين ان جي احسانن جي مقروض رهندي.
