اسلام آباد 10 جنوري (اے پي پي) نګران وزيراعظم انوار الحق کاکړ وئيلي دي رياست به د شهيدانو كورنۍ نه هېروي٬ ترهګر بزدلانه كاروائۍ كوي ٬ د هغوي په ضد به جنګ په تندۍ سره روان وي٬ ترهګر د 24 كروړه اولس عزم ته ماتې نشي وركولې۔ د شورو په ورځ د وزيراعظم آفس ميډيا ونګ لخوا د جاري بيان له مخې د وزيراعظم په مشرۍ كښې د وفاقي كابينې غونډه شوې چې پكښې باجوړ كښې د پوليو ډلې ساتونكو پوليس اهلكارو باندې د بريد غندنه شوې او د بريد په نتيجه كښې د شهيدو شوو پوليس اهلكارو لپاره فاتحه خواني كولو سره هغوي ته پېرزوئنې وړاندې كړې شوې۔ وزيراعظم ووئيل رياست به د شهيدانو كورنۍ كله هم نه هېروي٬ پوليس اهلكار زمونږ سباون لپاره شهيدان شوي ٬ ده ووئېل ترهګر بزدلانه كاروائۍ كوي ٬ د هغوي په ضد به جنګ په تندۍ سره روان وي٬ ترهګر د 24 كروړه اولس عزم ته ماتې نشي وركولې۔ وزيراعظم ووئيل پاكستان څخه د پوليو تر خاتمې به د پوليو مخنيوي مشن په بشپړه توګه دوامداره ساتلې شي۔
