اسلام آباد 06 اګست (اے پي پي) ډيوټي جج جوډيشل مجسټريټ محمد مريد عباس خان په قامي خبر رسنه اداره “اے پي پي” كښې د كروړونو روپو ماليت د كرپشن په كېس كښې د نامزد تورنو په جسماني ريمانډ كښې د دوو ورځو پراختيا منظوري وركولو سره تورن اېف آئي اے ته سپارلي ۔ د نهې په ورځ د اېف آئي اے اينټي کرپشن سيل د پراجيکټ ډائريکټر محمد غواث خان،ډپټي ډائريکټر مصور عمران او چيف کمپيوټر انجنيئر سعد مدثر د درېو ورځو جسماني ريمانډ نه وروستو عدالت كښې موقف اختيار كړو چې د تورنو د بېنك اكاٶنټس جانچ پړتال پاتې دے٬ د تورنو د اووو ورځو جسماني ريمانډ دې راكړے شي٬ د سماعت په مهال د اے پي پي ليګل ايډوائزر سردار يعقوب مستوئي ايډووکيټ دلائل وركړل چې ټول تورن د پروکيورمنټ کميټۍ غړي وٶ او دوي د جعلي لاسليك د لارې په اے جي پي آر كښې 60 چيكونه جمع كړي۔ ده ووئيل سرکاري ادارې كښې د جعل سازي د لارې د 124 ملين روپو غبن شوے٬ تورنو څخه سرکاري روپۍ ريکور كولو لپاره دې جسماني ريمانډ كښې پراختيا وكړې شي٬ د دواړو ډلو د دلائلو اورېدو نه وروستو عدالت د درېو واړو تورنو په جسماني ريمانډ كښې د دوو ورځو پراختيا كولو سره هغوي اېف آئي اے ته وسپارل۔
