اسلام آباد۔1اپریل (اے پی پی) صدر مملکت ڈاکٹر عارف علوی ، بینکنگ محتسب دے فیصلے دے خلاف ݙو انڄ انڄ بینکاں دی اپیلاں مسترد کر ݙتن، بینک صارفین کوں غیر ضروری قانونی چارہ جوئی اچ گھیلݨ تے کاوڑ، صارفین دی ونڄی ہوئی رقم واپسی کرݨ دا حکم ݙے ݙتے۔ صدر 29 مارچ کوں گورنر ہائوس کراچی اچ ݙوہیں مقدمیاں دی سݨیڄ کیتی۔ انہاں بینک صارفین دی شکایتاں دے ازالے اچ لاپرواہی تے کمرشل بینکاں دی سرزنش کریندیں ہوئیں آکھیاجو پاکستان ہک ابھردی ہوئی قوم اے اتے او آپݨے اداریاں دا قیمتی ویلھا ضائع نی کر سڳدی۔ بینک صارفین کوں ڈیجیٹل سروسز، الیکٹرانک فنڈز ٹرانسفر دی سہولت بارے آگاہی ݙیون، بینک انٹرنیٹ بینکنگ دی سیکورٹی، اے ٹی ایم تے سی سی ٹی وی کیمرے لاوݨ کوں یقینی ٻݨاون۔
