اسلام آباد۔7فروری (اے پی پی):آئس لینڈدے وزیر خارجہ گڈ لاؤگر تھور تھور دارسون اپݨے پاکستانی ہم منصب مخدوم شاہ محمود قریشی نال ٹیلیفونک رابطہ کیتے۔ݙوہیں وزرائے خارجہ وچال آئس لینڈ دے لاپتہ تھیوݨ آلے کوہ پیما جون سنوری دے حوالے نال ڳالھ مہاڑ تھئی ۔وزیر خارجہ آکھیے جو کوہ پیماواں دی گمشدگی تے تشویش اے ۔لاپتہ تھیوݨ آلے کوہ پیماواں کوں ڳولݨ کیتے سارے وسائل استعمال کیتے ویندے پئن ۔مخدوم شاہ محمود قریشی آئس لینڈ دے وزیر خارجہ کوں لاپتہ کوہ پیماواں دی کھوج لاوݨ کیتے جاری ریسکیو اینڈ سرچ آپریشن دی تفصیل بارے ݙسایا ۔آئیس لینڈ دے وزیر خارجہ جون سنوری سودھے لاپتہ تھیوݨ آلے کوہ پیماواں دی ڳول کیتے پاکستان دی طرفوں جاری کاوشاں تے اطمینان دا اظہار کریندے ہوئیں وزیر خارجہ مخدوم شاہ محمود قریشی دا شکریہ ادا کیتے۔
