گلگت – 12 – سيپٽمبر (اي پي پي) نگران وزيراعظم انوارالحق ڪاڪڙ سان گلگت بلتستان جي گورنر سيد مهدي شاهه ملاقات ڪئي آهي. وزيراعظم آفيس جي ميڊيا ونگ پاران جاري بيان موجب ملاقات ۾ گلگت بلتستان جي گورنر نگران وزيراعظم جي گلگت بلتستان جي دوري ۽ گلگت بلتستان جي ترقي ۾ خصوصي دلچسپي تي ٿورا مڃيا. گورنر سيد مهدي شاهه نگران وزيراعظم کي گلگت بلتستان جي انتظامي معاملن ۽ امن امان جي صورتحال جي حوالي سان پڻ آگاهه ڪيو.
