اسلام آباد – 29 – مئي (اي پي پي) پرڏيهي وزارت جي اهتمام هيٺ ”گنڌارا کان دنيا تائين“ جي عنوان سان ٻن ڏينهن وارو سمپوزيم ۽ نمائش پڄاڻي تي پهتي. وفاقي گادي واري شهر اسلام آباد ۾ رهندڙ سفارتڪارن، حڪومتي عهديدارن، اسڪالرز، فنڪارن ۽ فن سان لڳاءُ رکندڙن جو هڪ وڏو انگ پرڏيهي آفيس ۾ منعقد ان اهم ايونٽ ۾ شرڪت ڪئي جنهن ۾ سريلنڪا، نيپال، ٿائيلينڊ ۽ ويٽنام جا نمائندا شامل آهن. قومي ورثي ۽ ثقافت واري وفاقي سيڪريٽري ناصر حسن جامي سمپوزيم جي ٽئين سيشن کي خطاب ڪندي چيو ته پاڪستان ملڪ ۽ ٻين ملڪن ۾ ٻڌمت جي پاڙن جو سراغ لڳائڻ تي تمام گهڻو ڌيان ڏنو آهي. هن چيو ته پاڪستان ٻڌا جي ورثي جي تحفظ ۽ ان کي محفوظ ڪرڻ جي ڪوششن جي قيادت ڪري رهيو آهي. ٻن ڏينهن واري تقريب ۾ مختلف ملڪن جي مذهبي اڳواڻن ۽ ماهرن کانسواءِ اسڪالرز، سفارتڪارن، مورخين ۽ فن جي شوقينن کي پڻ گڏ ڪيو ويو ته جيئن انهن کي خيالن جي مٽاسٽا ۽ رابطن کي فروغ ڏيڻ جي لاءِ هڪ پليٽ فارم فراهم ڪري سگهجي. هن چيو ته قديم گنڌارا تهذيب آرٽ، فن تعمير، ثقافت ۽ روحانيت جي دائري ۾ اڻمٽ نقش ڇڏيا. قومي ورثي ۽ ثقافت واري وفاقي سيڪريٽري چيو ته چين ۽ اوڀر ايسيا جي وڏي حصي ۾ ٻڌمت کي متعارف ڪرائڻ کانسواءِ گنڌارا تهذيب جديد پاڪستان جي ڀرپور ثقافت کي مزين ڪرڻ ۾ پڻ ڪردار ادا ڪيو آهي. هن چيو ته گنڌارا تهذيب به پاڪستان ۽ چين جي وچ ۾ شروعاتي رابطن جو سبب بڻي ڇو ته ڪيترن ئي چيني راهبن قديم شاهراهه ريشم جي ذريعي ٻڌمت جي درسگاهن تائين پهچڻ جي لاءِ سفر ڪيو. وفاقي سيڪريٽري چيو ته بيلٽ اينڊ روڊ انيشي ايٽو (بي آر آءِ) ۽ چين پاڪستان اقتصادي لنگهه (سي پيڪ) ڪيترن ئي ملڪن ۽ تهذيبن جي وچ ۾ ان جذبي کي زندهه ڪيو آهي جيڪي قديم زماني ۾ شين، نظرين ۽ ثقافتي اثرن جو نتيجاخيز مٽاسٽا مٽاسٽا ٿي هئي. هن پنهنجي وزارت جي تعاون جو يقين ڏياريندي چيو ته گنڌارا تهذيب کي خراج تحسين پيش ڪرڻ جو بهترين طريقو اهو آهي ته ان موضوع تي تحقيق جاري رکي وڃي ۽ ٻڌا جي امن ۽ هم آهنگي جي پيغام کي ٻيهر زندهه ڪيو وڃي. ٽئين سيشن ۾ ماهرن ٻڌمت جي سياحت کي فروغ ڏيڻ ۽ تعاون کي فروغ ڏيڻ ۽ ثقافتي مٽاسٽا کي وڌائڻ جي طريقن تي غور ڪيو.
