اسلام آباد – 21 آگسٽ (اي پي پي)واپڊا ملڪ جي مختلف دريائن ۽ آبي ذخيرن ۾ پاڻي جي آمد ۽ ڇوڙ جا انگ اکر جاري ڪيا آهن. گذريل ڏينهن جاري ڪيل انگن اکرن مطابق سنڌو درياهه ۾ تربيلا وٽ پاڻي جي آمد 2 لک 64 هزار ڪيوسڪ ۽ پاڻي جو ڇوڙ 2 لک63 هزار 600 ڪيوسڪ، ڪابل درياهه ۾ نوشهره وٽ پاڻي جي آمد 60 هزار 900 ڪيوسڪ ۽ پاڻي جو ڇوڙ 60 هزار 900 ڪيوسڪ، خير آباد پل تي پاڻي جي آمد 3 لک 15 هزار 700 ڪيوسڪ ۽ پاڻي جو ڇوڙ 3 لک 15 هزار 700 ڪيوسڪ، جهلم درياهه ۾ منگلا وٽ پاڻي جي آمد 32 هزار 600 ڪيوسڪ ۽ پاڻي جو ڇوڙ 8 هزار ڪيوسڪ، چناب درياهه ۾ مرالا وٽ پاڻي جي آمد 79 هزار 400 ڪيوسڪ ۽ پاڻي جو ڇوڙ 54 هزار 300 ڪيوسڪ آهي. ڊيمن ۾ تربيلا ڊيم جو گهٽ ۾ گهٽ آپريٽنگ ليول 1402 فوٽ، ڊيم ۾ پاڻي جي موجوده سطح 1549 فوٽ ۽ ڊيم ۾ پاڻي ذخيرو ڪرڻ جي انتهائي سطح 1550 فوٽ، استعمال جوڳي پاڻي جو ذخيرو 5.766 ملين ايڪڙ فوٽ آهي.منگلا ڊيم جو گهٽ ۾ گهٽ آپريٽنگ ليول 1050 فوٽ، ڊيم ۾ پاڻي جي موجوده سطح 1214.70 فوٽ، ڊيم ۾ پاڻي ذخيرو ڪرڻ جي انتهائي سطح 1242 فوٽ ۽ استعمال جوڳي پاڻي جو ذخيرو 5.232 ملين ايڪڙ فوٽ آهي. بئراجن ۾ چشما بئراج جو گهٽ ۾ گهٽ آپريٽنگ ليول 638.15 فوٽ، بئراج ۾ پاڻي جي موجوده سطح 644فوٽ، بئراج ۾ پاڻي ذخيرو ڪرڻ جي انتهائي سطح 649 فوٽ ۽ استعمال جوڳي پاڻي جو ذخيرو 0.112 ملين ايڪڙ فوٽ آهي.
