اسلام آباد – 12 – ڊسمبر (اي پي پي) پرڏيهي وزارت جو ايڊيشنل سيڪريٽري (يورپ) سفير شفقت علي علائقائي مشاورت جي لاءِ روسي نائب پرڏيهي وزير اي روڊينڪو جي دعوت تي روس جي دوري تي آهي. ڳالهه ٻولهه دوران ٻنهي ڌرين خاص طور تي واپار، توانائي ۽ دهشتگردي جي خاتمي جي شعبن ۾ ٻطرفي تعاون جي سطح جو مثبت جائزو ورتو. پرڏيهي آفيس جي ترجمان موجب ٻنهي ڌرين افغانستان سميت علائقائي مسئلن تي تعميري انگيجمينٽ جاري رکڻ سان گڏوگڏ گڏيل قومن ۽ ايس سي او سميت گهڻ رخي فورمز تي تعاون جاري رکڻ تي پڻ اتفاق ڪيو.
