اسلام آباد– 05 – اپريل (اي پي پي) وزيراعظم محمد شهباز شريف فلسطين ۽ ڀارت جي غيرقانوني قبضي هيٺ ڄمون ۽ ڪشمير جي بهادر ڀائرن ۽ ڀينرن سان يڪجهتي جو اظهار ڪندي چيو آهي ته الله تعاليٰ کان مدد جا طالب آهيون ته ٻنهي خطن کي آزادي جي نعمت ملي. پنهنجي ٽوئيٽ ۾ وزيراعظم چيو ته الحمدالله رمضان المبارڪ جي برڪتن ۽ نوازشن ۾ جمعته الوداع جو مبارڪ موقعو اسان کي هڪ ڀيرو ٻيهر نصيب ٿيو آهي. هن چيو ته پوري قوم کي اپيل آهي ته اڄ جي هن برڪت واري ڏينهن الله تعاليٰ جي آڏو خطائن جي معاشي، ملڪ ۽ ملت جي اتحاد ۽ امن ۽ ترقي، مسئلن ۽ مرضن مان ڇوٽڪاري جي دعا گهريون. اسان فلسطين ۽ ڀارت جي غيرقانوني قبضي هيٺ ڄمون ۽ ڪشمير جي بهادر ڀائرن ۽ ڀينرن سان يڪجهتي جو اظهار ڪندي الله تعاليٰ کان مدد جا طالب آهيون ته ٻنهي خطن کي آزادي جي نعمت ملي. بيت المقدس آزاد فلسطيني رياست جو گادي وارو شهر بڻجي مسلمانن جي روح جي تسڪين بڻجي.
