اسلام آباد – 18 – اپريل (اي پي پي) وزيراعظم محمد شهباز شريف 16 هين قومي اسيمبلي جي نئين پارلياماني سال جي شروعات جي موقعي تي صدر جي پارليامينٽ جي گڏيل اجلاس کي خطاب کان اڳ مسلم ليگ (ن) ۽ اتحادي پارٽين جي ميمبرن سان انهن جي سيٽن تي وڃي هٿ ملايو. وزيراعظم شهباز شريف جڏهن اجلاس ۾ شرڪت جي لاءِ هال ۾ داخل ٿيو ته ميمبرن سندس ڀرپور آجيان ڪئي. ان موقعي تي وزيراعظم بلاول ڀٽو زرداري ۽ اتحادي پارٽين جي ٻين ميمبرن سان انهن جي سيٽن تي وڃي هٿ ملايو ۽ انهن جي خيريت معلوم ڪئي.
