اسلام آباد – 01 – مئي (اي پي پي) نائب وزيراعظم ۽ پرڏيهي وزير اسحاق ڊار او آءِ سي جي 15 هين سربراهي اجلاس ۾ شرڪت جي لاءِ گيمبيا جي شهر بانجول پهچي ويو. پرڏيهي آفيس پاران جاري بيان موجب گيمبيا جي پيٽروليم ۽ توانائي واري وزير، پرڏيهي سيڪريٽري ايمبيسڊر سائرس سجاد قاضي ۽ سينيگال ۾ پاڪستان جي سفير سميعه ميمونه سيد سندس استقبال ڪيو. اسحاق ڊار پرڏيهي وزيرن واري ڪائونسل جي اجلاس ۾ شرڪت ۽ سربراهي اجلاس جي موقعي تي ٻين ملڪن جي اڳواڻن سان ملاقاتون پڻ ڪندو.
