اسلام آباد- 21 ڊسمبر (اي پي پي) صدر مملڪت آصف علي زرداري، فتنه
الخوارج جي دهشتگردن خلاف بروقت ڪارروائي تي سيڪيورٽي فورسز کي
ساراهيو آهي. صدر مملڪت ڪارروائي دوران 4 خوارج جهنم حوالي ڪرڻ
تي سيڪيورٽي فورسز جي بهادري جي تعريف ڪئي ۽ ڪارروائي دوران
شهادت جو رتبو ماڻيندڙ سپاهي عامر سهيل آفريدي کي خراج عقيدت پيش ڪيو.
ايوان صدر جي ميڊيا ونگ مان جاري ڪيل بيان ۾ صدر مملڪت
آصف علي زرداري، سيڪيورٽي فورسز کي خيبر ضلعي ۾ پاڪ افغان بارڊر
تي مداخلت ناڪام بڻائڻ تي خراج تحسين پيش ڪيو. صدر مملڪت ڪارروائي
دوران 4 خوارج جهنم حوالي ڪرڻ تي سيڪيورٽي فورسز جي بهادري جي
تعريف ڪندي ڪارروائي دوران شهادت ماڻيندڙ سپاهي عامر سهيل آفريدي کي
خراج عقيدت پيش ڪيو. هن سپاهي عامر سهيل آفريدي شهيد جي حب الوطني
واري جذبي جي واکاڻ ڪئي ۽ شهيد جي گهرڀاتين سان تعزيت جو اظهار ۽
صبر جي دعا ڪئي. صدر مملڪت چيو ته پاڪستان جي بهادر سيڪيورٽي
فورسز ملڪي سرحدن جي حفاظت لاءِ هر وقت تيار آهي. صدر مملڪت
دهشتگردي جي مڪمل خاتمي ۽ ملڪي سرحدن جي حفاظت جي عزم جو
ورجاءُ ڪيو.
