مالاكنډ 15 جولائي (اے پي پي) د پاكستان پيپلز ګوند چيئرمېن بلاول بهټو وئيلي دي چې د چالونو په نتيجه كښې په جيالو كښې لا جذبه پېدا كېږي٬ كمزورې جمهوريت د آمريت نه بهتر وي٬ اولس ته خره وئيل د هغوي بې عزتي ده٬ سره د ستونزو به په ټولټاكنو كښې په بشپړه توګه برخه اخلو۔ د اتوار په ورځ په مالاكنډ كښې خبري كنفرنس ته د وېنا كولو په مهال ده ووئيل چې پيپلز ګوند د انتخابي كمپائن نه بهر كولو لپاره بندېزونه لګول كېږي٬ د ادارو ترمېنځه ټكر نه دې پكار٬ بايد نېشنل اېكشن پلان په مكمل توګه عملي كړې شي۔ ده ووئيل چې اولس ته خره وئيل د هغوي بې عزتي ده٬ د كنځلو د سياست ټولنې ته زيان رسي٬ د داسې سياست نه لرې كېدل پكار دي۔ ده ووئيل چې بايد په پارلمان كښې د خلائي مخلوق كوم كردار نه وي٬ د مالاكنډ د ستونزو حل كولو هڅې به كولې شي۔ ترهګر غواړي چې دلته جمهوريت نه وي ځكه هدف كولې شي۔ ده ووئيل چې په عراق او افغانستان كښې سره د ترهګرې ټولټاكنې كېږي نو دلته به ولې نه كېږي۔ ده ووئيل چې متنازعه او كمزورې پارلمان د اولس ستونزې نه شي حل كولې۔ ده ووئيل چې د پيپلز ګوند كانديدان زورول كېږي٬ بايد ټاكنې متنازعه جوړې نه كړې شي۔ ده ووئيل چې په ټاكنو كښې برخه اخستل زمونږ بنيادي حق دے۔ سره د ستونزو به په ټولټاكنو كښې په بشپړه توګه برخه اخلو۔
