پېښور ۔22 جولائی (اے پی پی) د خېبر پختونخوا د كركيلې پخوانې وزير او د صوبائي اسمبلۍ حلقه پي كے 99 څخه د تحريك انصاف كانديد سردار اكرام خان ګڼدا پور د ځانمرګې بريد پېښې په نتيجه كښې شهيد او نور 5 كسان ژوبل شوي۔ د ډسټرکټ پولیس آفیسر (ډی پی او ) ظهور بابرآفریدی ترمخه دې د ټاكنو مهم په لړ كښې د اتوار په ورځ يو كارنر ميټنګ كښې ګډون كولو له روان وو چې په لاره كښې ځانمرګي بريد كوؤنكي د ده ګاډي ته نزدې ځان والوزولو چې په نتيجه كښې ئې سردار اكرام الله شهيد او نور 6 كسان سخت ژوبل شول۔ ژوبل شوي د ډي آئي خان سي اېم اېچ روغتون ته ورسولې شول۔ چرته چې اكرام الله د زيات ژوبل كېدو له امله په حق ورسېد۔ په ژوبل شويو كښې د اكرام الله ډرائيور محمد رمضان ٬ درې ګن مېن دلنواز، الیاس، عبدالرزاق او يو لاروې سېف الرحمن شامل دے۔ دا خبره دې ياده وي چې اکرام خان ګنډاپور د خېبرپختونخوا د پخواني اعلی وزير عنایت اللہ خان ګنډاپور برخوردار وو او څلور كاله وړاندې دده په ورور اسرار خاان يو ځانمرګې بريد شوے وو په كوم كښې چې دده د ورور په شمول 25 كسان شهيد شوي وو۔ په دې مهال د خېبر پختونخوا اعلی وزير جسټس (ر)دوست محمدخان ډی آئی خان كښې په اکرام اللہ خان د ترسره شوي ځانمرګې بريد په سختو ټكو كښې غندنه كولو سره دده په شهادت د غم دړد څرګندونه وكړه او غمجنې كورنۍ سره ئې غمرازي وكړه۔ ده د بريد پلټنيو له د کاؤنټرټېررزم اعلی كچې كمېټۍ څانګې مشر په مشرۍ كښې د اعلی كچې يوه كمېټي جوړه كړه۔ اعلی وزير كمېټۍ ته په تندۍ سره د پلټنيو كولو او د مكمل راپور وړاندې كولو هدايت وكړو ۔ بلخوا ده ډي آئي خان انتظاميې څخه هم په 12 ساعته كښې راپور طلب كړې۔
