نيويارك 03 نومبر (اے پي پي﴾په ملګرو ملتونو كښې د پاكستان سفيرې ډاكټر مليحه لودهي وئېلي دي چې د ملګرو ملتونو د امن مشن په بجټ كښې كمي سره به د امن او امان بحال كولو نړيوالې هڅې آغېز منې شي بايد مونږ د بجټ كمي په ځاې د كار استعداد ښه كولو لپاره اقدامات وكړو۔د ملګرو ملتونو د عمومي اسمبلۍ د څلورمې كمېتۍ غونډې ته په خپله وېنا كښې د پاكستان سفيرې ووئيل چې كه د ملګرو ملتونو د امن مشنز د اخراجاتو جاج واخستلې شي نو معلومه به شي چې د امن او امان بحالۍ لپاره د عامې ادارې بجټ(قيمت)د جنګ د زيان نه كم دې۔هغې ووئيل چې مونږ ټولو ته په ګډه د نړيوال امن بحالۍ هڅو ته د پام كولو ضرورت دې٬بايد مونږ اخراجات كم نه كړو چې دغسې نړيوالې هڅې آغېز منې نه شي۔هغې ووئيل چې پاكستان د امن او امان بحالۍ لپاره د نړيوالې ادارې د هڅو اعتراف كوي او بايد نور هم د دې اعتراف وكړي٬مونږ ته به سياسي حل لټولو او مذاكراتو ته خاص پام كول وي۔پاكستانۍ سفيرې ووئيل چې پاكستان د ملګرو ملتونو د عمومي سېكتر لخوا دم جنسي زورول كېدو د تجويزونو پوره ملاتړ كوي بايد په دې لړ كښې هېڅ رعايت ونه شي۔هغې ووئيل چې پاكستان په دې لوظ نامه تر ټولو وړاندې لاس ليك كړې او وزيراعظم عمران خان د عمومي سېكتر په سركل آف ليډر شپ كښې شامل كړی شوې دې
