اسلام آباد 22 نومبر (اے پي پي) د توان وفاقي وزير عمر ايوب خان سره د آسټريا سفير نكولس كيلز د زيارت په ورځ ملاقات كړې او د دواړو مشرانو د برېښنا په اړه په روانې مرسته ئې د خيالاتو څرګندونه كړې ۔په دې موقع د پاور ډويژن سېكتر عرفان علي هم موجود ؤ ۔ده سره په خبرو كښې عمر ايوب خان ووئيل حكومت د برېښنا په اړه د مالي وسائلو ښه والي لپاره لائن لاسز كښې كمي راوستل او د واجباتو وصولولو زياتولي لپاره ګامونه پورته كوي۔ده ووئيل آسټرين كمپنۍ دې په پاكستان كښې د اوبو وړوكو پروژو كښې د سرمايه كارۍ جاج واخلي٬موجوده حكومت د برېښنا په ترسيلي او د وېش نظام ښه والي لپاره كار كوي۔ده ووئيل حكومت د لائن لاسز او وصولو ښه والي لپاره ګڼ شمېر ګامونه پورته كړي۔ عمر ايوب ووئيل حكومت به د آسټريا كمپنو له ټولې آسانۍ وركوي٬مونږ به د اوبو وړو او لويو پروژو كښې د سرمايه كارۍ هركلے كوو۔د آسټريا سفير خپلو خبرو كښې ووئيل د آسټريا سرمايه كار او كمپنۍ د پاكستان په پاور سېكټر كښې سر مايه كارۍ له خوښي لري
