اسلام آباد۔5 اګست (اے پی پی) وزيراعظم عمران خان وئيلي دي هند په جمو او کشمیر کې د دولتي ترهګرۍ د له لارې د سیمې ثبات له مينځه وړي. تر څو چې كشميري اولس ته د ملګرو ملتونو پرېكړو له مخې خپل حق ترلاسه نه شي زه به خپل غږ پورته کولو ته دوام ورکوم۔ پاكستان به په بشپړه توګه د كشميريانو مقدمه مخ په وړاندې بيايي۔ د زيارت په ورځ خپل ټويټس كښې وزيراعظم عمران خان ووئيل نن مقبوضه كشمير كښې د كال 2019 اګست مياشتې په 5 مه نېټه د هند يو اړخيزه او غېر قانوني ګامونو 2 كاله وشول۔ په دې موده كښې نړۍ په مقبوضه كشمير كښې د هند قابضو ځواكونو غېر معمولي تشدد او بربريت ليدلے ۔ نړۍ د كشميري اولس شناخت له مينځه وړولو او د آبادۍ تناسب په طافت بدلولو د هند هڅو ته هم ګوري۔ وزيراعظم ووئيل د هندي حكومت لخوا په مقبوضه كشمير كښې ظلم او زياتے د آر اېس اېس هندوتوا نظريې تسلسل دے۔ نن هند د خپلو جابرانه اقداماتو او د دولتي ترهګرۍ د لارې د منطقې ثبات له مينځه وړي كوم چې د نړيوال قانون او اقدارو خلاف ورزي ده۔ وزیراعظم ووئيل ما په نړيوالو فورمونو د كشمير غږ پورته كړے او تر كومې جې كشميري اولس ته د ملګرو ملتونو د سلامتي كونسل د قراردادونو له مخې د خپل سباؤن د پرېكړې حق ترلاسه نه شي خپل غږ پورته كولو ته به دوام وركوم۔ هغه ووئيل پاكستان به په بشپړه توګه د كشمير مقدمه وړاندې بيائې او كه پاك پروردګار ته منظوري وي د كشميري اولس هلې ځلې به كاميابۍ سره مخ كېږي
