اسلام آباد۔1جنوری (اے پی پی)د تعليم او پېشه وره تربيي نګران وفاقي وزیر مدد علي سندھي وئېلي دي نیوټیک د بلوچستان پشمول ټول ھېواد كښې د ځوانانو هنر منده جوړولو له پیشه ورہ تعلیم وركوي۔ د ګل په ورځ سېنېټ كښې د سینیټر ثمینه ممتاز زهري په تحریک نګران وفاقي وزیر مدد علي سندھي ووئېل نیوټیک ټول هېواد كښې ځوانانو له د هنرمندۍ تعلیم وركوي ، بلوچستان كښې 9856 طالب علمانو او 9210 طالبات او 1630 مخنث له په دريو مياشتو كښې او د 6 مياشتو ټیکنیکل کورسز تربیه وركړې شوې۔د دې نه وړاندې سینیټر ثمینه ممتاز زهري ووئېل د بلوچستان ځوانان دې د روزګار خاوندان جوړولو لپاره دې په جدید تکنیکي پروګرامونو کښې هغوي له د هنر مندې تر بييه وركړې شي ۔ سینیټر ډاکټر مهر تاج روغاني ووئېل په خیبرپښتونخوا كښې د ځوانانو ټیکنیکل تعلیم وركولو له اقدامات کېږي ، په بلوچستان او خیبرپښتونخوا كښې د ځوانانو تربيې لپاره دې د غیر ملکي پوهانو خدمات تر لاسه كړے شي۔ سینیټر مشاهد حسین سید ووئېل د سي پیک تر مخه د 2 لاکه نه زيات ملازمتونه راپیدا شوي ، دې منصوبو سره به لا موقعې راپیدا كېږي۔ دغسې ډ اکټر ثانیه نشتر هم په تحریک بحث كښې برخه اغستې وه۔
