اسلام آباد۔2جنوری (اے پی پی)د وزیراعظم د مذهبونو ترمينځه د همغږۍ استازي او د پاكستان علماء كونسل مشر حافظ محمد طاهر محمود اشرفي وئېلي دي 2024ء به ان شاء اللہ پاکستان څخه د پولیو د خاتمې كال وي ، د علماء اسلام متفقه موقف دا دے چې د پولیو څاڅكي حلال دي او په دې هيڅ څوك نه معذوره كېږي ، معذوري د وژنې نه لوئي جرم دے ۔ ده د قامي ایمرجنسي سینټر دورې په موقع خبرې كولې ۔ حافظ محمد طاهر محمود اشرفي د دورې په مهال د کنټرول روم بشمول د بېلو څانګو څارنه وكړه او دغسې دوي ته د پولیو خاتمې په اړه د ایمرجنسي پروګرام په اړه بریفنګ هم وركړے شو ۔په دې مهال طاهر اشرفي ووئېل د پاکستان د ریاست ټولې ادارې ، علماء او مشائخ د پولیو خاتمې لپاره اړوندو ادارو سره مرسته كوي ۔دغسې په دې مهال د پاکستان علماء کونسل مشر په حېث ده پاکستان څخه د پولیو وائرس خاتمې لپاره د زړه پورې مرستې كولو عزم څرګند كړو۔
