اسلام آباد– 23 – جنوري (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته مسلم ليگ (ن) جي سينيئر نائب صدر چيف آرگنائيزر مريم نواز انشاءَ الله 26 جنوري تي لنڊن مان رواني ٿيندي ۽ 28 جنوري ڇنڇر جي رات 8 وڳي لاهور پهچندي. ٽوئيٽر تي پنهنجي پيغام ۾ هن چيو ته الحمدالله توهان سڀني جي دعائن سان مريم نواز شريف سرجري کانپوءِ صحتياب ٿي وطن واپس اچي رهي آهي، توهان سڀني جي دعائن ۽ نيڪ خواهشن تي ٿورا مڃون ٿا.
