اسلام آباد – 19 – مئي (اي پي پي) صدر ڊاڪٽر عارف علوي زوب ۾ جماعت اسلامي جي قافلي تي خودڪش حملي تي جماعت اسلامي جي امير سراج الحق کي ٽيليفون ڪئي ۽ نيڪ خواهشن ۽ دعائن جو اظهار ڪيو. ايوان صدر جي پريس ونگ موجب صدر ڊاڪٽر عارف علوي جماعت اسلامي جي امير سراج الحق سان ڳالهه ٻولهه ڪئي ۽ خيريت معلوم ڪئي. هن چيو ته الله جو شڪر آهي ته سراج الحق خودڪش ڌماڪي ۾ محفوظ رهيو، آئون ان واقعي جي مذمت ڪريان ٿو، شهيد جي درجن جي بلندي لاءِ ۽ زخمين جي جلد صحتيابي لاءِ دعاگو آهيان.
