انقره-03 جون (اي پي پي)وزيراعظم محمد شهباز شريف ترڪ صدر رجب طيب اردگان جي حلف برداري جي موقعي تي منعقد تقريب ۾ شرڪت ڪئي ۽ ترڪ صدر کي پنهنجي ۽ پاڪستاني عوام طرفان مبارڪون ڏنيون ۽ نيڪ خواهشن جو اظهار ڪيو. وزيراعظم آفيس جي ميڊيا ونگ مان جاري بيان موجب وزيراعظم محمد شهباز شريف ترڪ صدر رجب طيب اردگان جي حلف برداري جي موقعي تي منعقد تقريب ۾ شرڪت ڪئي. سڌ سماءَ واري وفاقي وزير مريم اورنگزيب به وزيراعظم سان گڏ هئي. وزيراعظم سان ترڪ صدر رجب طيب اردگان جي تقريب جي شروعات ۾ ملاقات ڪئي جنهن ۾ وزيراعظم ترڪ صدر کي پنهنجي ۽ پاڪستاني عوام طرفان مبارڪباد پيش ڪئي ۽ نيڪ خواهشن جو اظهار ڪيو. تقريب ۾ سڌ سماءَ واري وفاقي وزير مريم اورنگزيب اردگان سان ملاقات ڪئي ۽ کيس مبارڪون ڏنيون.
