اسلام آباد۔21فروری (اے پی پی) د اطلاعاتو او خپرونو وفاقي وزير سېنېټر شبلي فراز وئيلي دي كراچۍ كښې د مظاهرچيانو د جنګ او جيو ګروپ په مركزي دفتر د بريد غندنه كوؤ۔ د پېښې بايد سپېځلې پلټنې وكړې شي۔ د اتوار په ورځ د جنګ او جيو ګروپ په مركزي دفتر د بريد نه وروسته په نجي ټي وي چېنل خپل غبرګون ښودلو سره هغه ووئيل سولييز احتجاج كول د ټولو حق دے خو د تشدد په صورت كښې د قبلولو وړ نه دے۔ حكومت چا له هم د تشدد اجازه وركولې نه شي۔ د سندھ حكومت په وخت ولې كارروائي ونكړه۔ شبلي فراز ووئيل په پېښه كښې د پوليس خاموش تماشائي ودرېدل د پوهې نه لرې خبره ده۔ پوليس د مظاهرچيانو په ضد كارروائي ولې ونكړه۔ هغه ووئيل دا پېښه كراچۍ كښې شوې ځكه د دې ذمه وار د سندھ حكومت دے۔ هغه دې د پېښې بشپړه پلټنې وكړي دغسې چې محركات او پېښه كښې ككړ كسان معلوم كړې شي۔
