اسلام آباد 23 فروري (اے پي پي) د اطلاعات او خپرونو وفاقي وزير سېنېټر شبلي فراز وئيلي دي وزيراعظم عمران خان عمر له چېلنجونه قبول كړي، په حلقه اېن اے 75 ډسكه ﴿ن﴾ ليګ په 20 پولنګ سټېشنو د بېا پولنګ كولو درخواست كړے، د ري پولنګ پرېكړه به د ټاكنو كميسون كوي، پي ټي آئي هغه ګوند دے كوم چې د الېكټرانك ووټنګ تجويز وركړے. د ټاكنو په سپېځلتيا اپوزيشن دوه مخېز معيار ولې لري. ده دا خبرې د نهې په ورځ د پاكستان الېكشن كميشن په وړاندې مېډيا سره وكړې. د اطلاعات او خپرونو وفاقي وزير شبلي فراز ووئيل وزيراعظم عمران خان كله هم په فشار كښې نه راځي. هغه عمر له چېلنجونه قبول كړي. وزيراعظم د ډسكه په 20 پولنګ سټېشنو د ﴿ن﴾ ليګ د ري پولنګ چېنلج هم قبول كړے. انشاء اللہ دوي به يو ځل بيا ماتې سره مخ شي. ده ووئيل مسلم ليګ ن تل د درغلې په بنياد په هېواد كښې د سياست اخستلو او خرڅولو روايت قائم كړے او نن قهرجن دي ځكه چې دوي دا خپل پېدائشي حق ګڼي چې كومې ټاكنې دوي وګټي هغه سمې او چې په كومو كښې ماتې سره مخ شي هغه ناسمې وي. ده ووئيل دوي ولې دوه مخېز معيار لري، د سېنېټ په ټاكنو كښې دوي د اوپن بېلټنګ مخالفت ولې كوي. ده ووئيل مسلم ليګ ن او اتحاديانو ئې تل اخستل څرڅول كړي.ده ووئيل د سېنېټ په ټاكنو كښې د اوپن بېلټنګ مخالفت هغه څوك كوي چې اراده ئې د درغلې او اخستلو خرڅولو وي. ده ووئيل رانا ثناالله او جاوېد لطيف د امن خرابولو تجربه لري، د ډسكه په ضمني ټاكنو كښې دوي هلته موجود وو. دوي ټول انتخابي عمل تباه كړے، د دوو كسانو ژوند له مېنځه تللے. د حق رسېدليو غوښتنه ده چې دوي د قانون منګولو ته وسپارلے شي. ده ووئيل قام دې د دوي په مكر او فريب كښې نه راځي، دوي چې څنګه سياست كوي هغه د د كرپشن نه ډك دے
