اسلام آباد 31 جولائي (اے پي پي) وزيراعظم محمد شهباز شريف وئيلي دي هېواد څخه د پوليو بشپړه خاتمې لپاره دې د رياست ټول وسائل وكارولې شي٬ ھغه سيمې چرته چې چې امنيتي چېلنجونه دي هر كوچني ته دې د پوليو واكسين وركول باوري كړے شي ۔ د شورو په ورځ د وزيراعظم آفس ميډيا ونګ لخوا د جاري بيان له مخې وزيراعظم د دې خيالاتو څرګندونه د پوليو مخنيوي قامي ډلې سره خپلو خبرو كښې كړې۔ په ملاقات كښې د وزيراعظم قامي صحت لپاره کوآرډينيټر ډاکټر ملک مختار احمد بھرته، د پوليو مخنيوي لپاره د وزيراعظم فوکل پرسن ډاکټر عائشه رضا فاروق، د صحت وفاقي سېكرتري ډاکټر نديم محبوب او د پوليو مخنيوي لپاره نيشنل کوآرډينيټر محمد انوار الحق هم موجود وو۔ وزيراعظم ووئيل د فرنټ لائن ورکرز په مينه لرلو ٬ د حكومت عزم او د پارټنرز په مرسته پاكستان د پوليو په ضد مهم پيشرفت كړے۔ دا خبره د اندېښنې وړ ده چې پاكستان په ھغه دوو هېوادونو كښې يو دے چرته چې د پوليو چېنلج موجود دے٬ په دې موقع وزيراعظم ته د پوليو مخنيوي په اړه په تګلاره بريفنګ وركړے شو او دوي ئې د پوليو مخنيوي په اړه د دوو ٬ څلورو او شپږو مياشتو د پلان نه هم خبر كړل۔ وزيراعظم ته ووئيل شول د كال 2024 څخه تر اوسه ګرد هېواد څخه رپورټ شوو د پوليو کيسز شمېره 9 ته رسېدلې، په ستمبر، اکتوبر او دسمبر كال 2024 كښې به د پوليو مخ نيوي ويکسين له په ګرد هېواد كښې كمپائن چلولې شي، ھغه ماشومان چې د پوليو واكسين څخه محروم پاتي شوي د ھغوي ډېټا ډيجيټائز كړې شوې دغسې چې د ډيجيټل ټريکنګ په مرسته د دوي وېکسي نيشن وكړے شي۔
