اسلام آباد۔30 جون(اے پی پی) د خزانې او محصولاتو وفاقي وزير سېنېټر اورنګزېب وئيلي دي چې د كلي معيشت صورتحال مستحكم دے٬ حكومتي اقداماتو سره د نړيوالې ورورولۍ او نړيوالو ادارو باور بحال شوے دے٬ معاشي استحكام به تسلسل سره مخ په وړاندې ساتؤ٬ د 42 زره ری ټېلرز رجسټرېشن شوے دے په كومو به چې جولائي څخه د ټېكسونو اطلاق كيږي ، د نان فائلرز اختراع به ختمه كړؤ٬ د ډی اېل ټی اېل ادائیګۍ لپاره فنډز بېل كړې شوي دي٬ آئي اېم اېف سره په نوي او اوږد پروګرام مثبت او په سم لوري پېشرفت روان دے۔ د اتوار په ورځ خبري كنفرنس ته خطاب كښې كښې د خزانې وفاقي وزير ووئيل مهمو اقتصادي اشارو سره د پاكستان مالي كال مخ په ختېدو دے٬ د پاكستان كرنسي مستحكم ده ٬ د ګرانۍ شرح د تېر كال 38 فيصده په مقابله كښې كمېدو سره د 12 فيصده كچې ته راغلې ده۔ ده ووئيل د حكومتي اقداماتو له امله د نړيوالې ورورولۍ او نړيوالو ادارو باور بحال شوے دے٬ نړيوال بېنك داسو ډېم لپاره فنډز منظوركړې دي٬ نړيوال فنانس کارپورېشن پی ټی سی اېل لپاره د 400 ملین ډالر مرستې اعلان كړې دې۔ ده ووئيل د اېف بی آر د تېر كال په مقابله كښې د 9.3 ټریلین وصولۍ په صورت كښې په محصولاتو كښې 30 فیصده اضافه ممكن شوه۔ د مجموعی قومی پېداوار تناسب سره به په راروانو كلونو كښې د ټېكسونو تناسب 13 فيصده كړې شي۔ مالي كال 25-2024 لپاره دا هدف 10.5 فیصده اېښودلے شوے دے۔ د توان پشمول د پټروليم په څانګه كښې د اصلاحات لړۍ به روانه وي ٬ د سركاري ملكيتي ادارو خساره يو ټريلين روپۍ ته نزدې ده كومه چې ډېره زياته ده ٬ په دې ادارو كښې به د اصلاحاتو او نجكارۍ عمل مخ په وړاندې بوتللې شي۔ ده ووئيل په محصولات او معیشت كښې ليكجز ٬ كرپشن او غلا به ختموؤ او په دې لړ كښې به كوټلي ګامونه پورته كولې شي۔ د اېف بی آر د ډیجیټلائزېشن عمل روان دے چې مقصد يۍ بهترۍ او سپېځلتيا ته وده وركول دي۔ د اېف بي آر ډیجیټلاټزېشن سره به سپېځلتيا راشي ولې چې دا مهال يوازې په سېلز ټېكس كښې د 750 اربه روپو لېكجز موجود دے او هم د ډیجیټلائزېشن د لارې ختمېدې شي۔ ده ووئيل مفتاح اسماعیل چې د ری ټېلرز حوالې سره كوم قدم په كال 2022 كښې پورته كړې وو په هغې بايد پېشرفت شوے وو۔ كه دغه مهال ري ټېلرز په ټېكس كښې شامل كړې شوې وو نو صورتحال به ښه وو۔ ده ووئيل د 42 زره ری ټېلرز رجسټرېشن شوے دے په كومو به چې جولائي څخه د ټېكسونو اطلاق كيږي۔ د نان فائلرز اختراع به اوس ختمولې شي۔ د خزانې وزير ووئيل حكومتي خرڅونه او مصاريف معقول جوړولې شي٬ وزيران تنخا نه اخلي او مونږ خپل يوټېلېټي بلز هم پخپله ادا كوؤ۔ د خزانې وزير ووئيل پنشن اصلاحاتو حوالې سره اي سي سي مهم ګام پورته كړې دې۔ په سول ملازمين به د دې اطلاق د جولائي اولنۍ نېټې څخه كيږي۔ د ملازمت جلا سټرکچر كېدو له امله په وسله والو ځواكونو به ددې اطلاع راروان مالي كال څخه كيږي۔ وزيراعظم به ډېر زر په دې اړه قام اعتماد كښې واخلي۔ د ملازمينو په اړه دا پرېكړه شوې ده چې هغوي ته به رنګ فينس وركولې شي۔ د خزانې وزير په ښكاره توګه ووئيل چې په ډوېلپمنټ لېوی كښې به د اضافې اطلاق نه كيږي۔ دا يو سيلينګ دے ٬ اول په بجټ كښې د دې 80 روپۍ في لېټر كولو تجويز وو بياهم دا اوس 70 روپۍ كړې شوې دې۔ ده ووئيل په د هېواد په معاشي استحكام او تلپاتې نمو كښې د صوبو برخه مهمه ده ٬ مونږ به صوبو سره خبره كوؤ٬ صوبو دې په خرڅونو كښې خپله برخه واچوي۔ ده ووئيل د آئی اېم اېف پروګرام حوالې سره مثبت پېشرفت شوے دے٬ نوې پروګرام به لويې او اوږد وي٬ د بجټ په مهال آئي اېم اېف سره مشاورت شوے وو۔ ده ووئيل د اضافي ټېكسونو د لاسه مسئلې رامخې ته شوي دي خو د دې تدارك به هم كول وي۔ ده ووئيل دا مهال ټېكس سره د اړوندو مقدماتو حجم 2700 اربه روپۍ دے۔ د اضافي ټېكسونو زيات بوج نشته٬ چې كله مالي ګنجائش وي نو تر ټولو وړاندې به تنخادارې طبقې ته ريليف وركولې شي۔ په پي اېس ډي پي كښې د كټوتۍ په اړه د پوښتنې په ځواب كښې د خزانې وفاقي وزير ووئيل 81 فیصد فنډز سره به وړاندې څخه روانې منصوبې بشپړ كولې شي ٬ 19 فيصد فنډز نوې منصوبو لپاره بېل كړې شوي دي۔ د پي ډبليو ډي د ملازمينو په اړه د پوښتنې په ځواب كښې ده ووئيل په اداره كښې 6100 ملازمین دي ٬ ځينې به كار روان ساتي٬ د ملازمينو به رننګ فېنسنګ كيږي او د دوئي د حقونو حوالې سره به اقدامات كولې شي٬ زياتره ملازمين به ساتلې شي۔ د پنشن اصلاحات په اړه د يوې پوښتنې په ځواب كښې ده ووئيل هېواد د دې متحمل كېدې نه شي چې مونږ پخوانۍ طريقې جاري وساتؤ۔ د وسله والو ځواكونو سروس سټركچر جلا دے ځكه هغوي ته د يو كال وخت وركړے شوے دے۔ کھربونه روپۍ د پنشن واجباتو په مد كښې دي او دا يوه مسئله پاتې شوې ده۔ د آئي اېم اېف پروګرام په اړه د يوې پوښتنې په ځواب كښې ده ووئيل دې ته دې د پاكستان د پروګرام په تناظر كښې وكتلې شي٬ زمونږ ملګري هېوادونه هم غواړي چې مونږ په دې پروګرام كښې شامل شوو۔ آئی اېم اېف سره ورچوئل خبره روانه ده ٬ دا به درې كلن پروګرام وي٬ د دې حجم حوالې سره خبره روانه ده۔ د خزانې وزير ووئيل په پاكستان كښې 9 ټریلین روپۍ په ګردش كښې دي ٬ مونږ له به غېر دستاويزي معيشت دستاوي جوړول وي۔
