اسلام آباد – 15 – اپريل (اي پي پي) وزيراعظم شهباز شريف جرمن چانسلر اولف شولز جا سندس مبارڪباد واري پيغام تي ٿورا مڃيا آهن. پنهنجي ٽوئيٽ ۾ وزيراعظم جرمن چانسلر جا ٿورا مڃيندي چيو ته هو پاڪستان ۽ جرمني جي وچ ۾ پراڻن ۽ گهڻ رخي لاڳاپن کي وڌيڪ مستحڪم بڻائڻ جي لاءِ جرمن چانسلر سان گڏجي ڪم ڪرڻ جو خواهشمند آهي. وزيراعظم چيو ته علائقائي امن ۽ ترقي جي لاءِ پاڪستان ۽ جرمني جي حصيداري انتهائي اهميت رکندڙ آهي.
