ابوظهبي – 12 – جنوري (اي پي پي) وزيراعظم محمد شهباز شريف ٻن ڏينهن جي دوري تي گڏيل عرب امارات جي پهرين ڏينهن اڄ خميس ڏينهن مصروف ڏينهن گذاريندو. وزيراعظم آفيس جي ميڊيا ونگ پاران جاري بيان موجب وزيراعظم گڏيل عرب امارات جي صدر شيخ محمد بن زايد النهيان سان ابوظهبي جي صدارتي محل ۾ ملاقات ڪندو. وزيراعظم گڏيل عرب امارات جي وزيراعظم ۽ نائب صدر ۽ دبئي جي حڪمران شيخ محمد بن راشد المڪتوم سان دبئي ۾ ملاقات ڪندو. وزيراعظم اماراتي سيڙپڪار ڪمپنين جي نمائندن سان به ملاقات ڪندو. وزيراعظم گڏيل عرب امارات جي قومي هيروز کي خراج عقيدت پيش ڪرڻ، واحته الڪرامه به ويندو.
