اسلام آباد- 11 مئي (اي پي پي) قومي اسيمبلي ۾ پاڪستان جي آئين جي گولڊن جوبلي جي مناسبت سان جاري عالمي ڪنوينشن جي پهرين ڏينهن جي ڪارروائي تي خاص نيوز ليٽر جاري ڪيو ويو آهي. قومي اسيمبلي جي هال ۾ رٿيل ان ڪنوينشن جي ٻي ڏينهن اهو نيوز ليٽر سمورن شرڪت ڪندڙن ۾ ورهايو ويو، هن نيوز ليٽر ۾ ڪنوينشن جي پهرين ڏينهن جي سموري ڪارروائي رپورٽ ڪئي وئي ۽ ان جون تصويري جهلڪيون پڻ پيش ڪيون ويون، ڪانفرنس دوران سائيڊ لائين ملاقاتن جي به ان ۾ ڀرپور عڪاسي ڪئي وئي.
