اسلام آباد ۔ 19 مارچ (اے پی پی) د منصوبه بندۍ او اصلاحات وزارت د نېشنل هائي وے اتھارټي پرمختيائي كارونو له د 1 كھرب 57 اربه 94 کروړه 13 لكه روپو فنډز جاري كړې دي۔ حكومت ددې ډويژن پرمختيائي كارونو له د روان مالي كال په مهال د يو كھرب 85 اربه 19 كروړه روپو فنډز بېل كړې دي۔ د پلاننګ كمېشن جاري كړې شمېرو لمخې حکومت پشاور ناردرن بائی پاس له 70 کروړه، د كال 2010ء سېلاب ځپلې املاك بحالۍ 21 کروړه 66 لكه، چترال آیون روډ له 12 کروړه، بسیمه خضدار روډ له 20 کروړه، برهان ۔هکلہ موټروے له 10 اربه روپۍ ،کاریک ډیوېلپمنټ پروګرام له 12 کروړه،چترال۔ګرم چشمه روډ له 20 کروړه، کے کے اېچ فېز ټو حویلیاں ۔تھاہ کوټ له 50 کروړه ،د جګلوټ ۔سکرود روډ اپ ګرېډېشن له 1 ارب 40 کروړه ،لاهور ۔ملتان موټروے له 16 اربه 26 کروړه ، د سی پېک ترسېوري لاندې رائے کوټ ۔اسلام آباد سېکشن جوړولو له 60 کروړه او لواری ټنل سره اړوند سړكونه جوړولو له د 60 کروړه روپو په شمول بېلو پرمختيائي منصوبو له فنډز جاري كړې دي۔
