اسلام آباد ۔ 3 اپرېل (اے پی پی) اولس مشر ډاكټر عارف علوي وئيلي دي د روغتيا او زده كړو سره حكومت د غريبۍ ختمولو ته پام لرنه كوي۔ ډېر زر به پاكستان څخه نرې رنځ ختم كړې شي۔ د دې خيالاتو څرګندونه ده د شورؤ په ورځ ټي بي څخه د پاك پاكستان په اړه قامي سيمينار ته خطاب كښې وكړه۔ سیمینار كښې د پنجاب او سندھ ګورنرانو او سفارتكارو سره سره د روغتيا څانګې پوهانو ګډون وكړو۔ اولس مشر په دې مهال خپل خطاب كښې د روغتيا وفاقي وزير عامر محمود كياني د روغتيا څانګه كښې د ترسره كړو خذماتو ستائنه كولو سره ووئيل د روغتيا وفاقي وزير هېواد څخه د ټي بي نوغې ويستلو له عزم لري۔ ده ووئيل د صحت كارډ اجراﺀ به هم د بې وزلۍ ختمولو له مرستياله اوګرځي۔ اولس مشر ووئيل كه معيشت ښه وي نو درملنو له به زيات وسائل ترلاسه وي۔ ده ووئيل صوبې هم د روغتيا معاملې ته خاص پاملرنه كوي۔ ده ووئيل د وزيراعظم عمران خان اولنۍ منصوبه هم د روغتيا په اړه وه۔ اولس مشر ووئيل د رنځونو څخه ځان ساتنې له اولسي شعور بېدارولو كښې مېډيا ډېر مهم كردار لري۔ دې څخه وړاندې د روغتيا وفاقي وزير عامر محمود كياني هم سيمينار ته خطاب وكړو۔ خپل خطاب كښې ده ووئيل ټي بي څخه د پاك پاكستان مقدس مشن لپاره اولس مشر ته د مهم سيمينار په كوربتوب كولو د عقيدت پېرزئنې وړاندې كوم۔ ده ووئيل حكومت د نرې رنځ ختمولو عزم لري او مونږ به كه لوئے څښتن ته منظور وي پاكستان ټي بي فري هېواد جوړوو۔ ده وئيل اسلام آباد كښې د ټي بي درملنو له يو ماډل سنټر جوړ كړې شوې او د اسلام آباد په كچه آبادو كښې د ټي بي سكريننګ او ټېسټنګ كېږي او وېړيا درملنې هم كولې شي
