اسلام آباد ۔ 01 مئی (اے پی پی) د پاك هوائي ځواك مشر ايئرچيف مارشل مجاهد انور خان وئيلي دي د روان كال 2019ﺀ فرورۍ مياشت كښې د هندي جارحيت په ځواب كښې د پاكستاني هوائي ځواك ردعمل به تاريخ كښې د ”آپرېشن سوفټ ری ټارټ” نامې سره ياد ساتلې شي۔ ده ددې خيالاتو څرګندونه د شورؤ په ورځ پی اے اېف هېډ کوارټرز كښې 264 م ايئرسټاف پریزېنټېشن دستورې ته خطاب كښې وكړه۔ د پرېس ریلیز ترمخه ائرچیف ووئيل مونږ ډېرې عاجزۍ سره دا وايو چې لوئے څښتن مونږ ته د پاك هند ترمينځھ د تاؤ تريخوالي وضعې په مهال د هندي جارحيت مؤثره ځواب وركولو موقعه راكړه او مونږ د اولس هيلې ترسره كړې شوې۔ ده ووئيل د پی اے اېف سوفټ ردعمل زمونږ د صلاحيتونو او قابليتونو عملي څرګندونه ده چې مونږ كوم هم صورتحال كښې د غوره مقابلې كولو عزم لرو او دې له چمتو يؤ۔ ده د امتحان په ګړۍ كښې په فارورډ آپرېټنګ بېسز د تعینات عملې مضبوط عزم ٬ صبر او حوصلې ته سلام وړاندې كړو۔ د پاك پوځ مشر ددې عزم پخلې وكړو چې د دښمن لخوا د كوم هم جارحيت په صورت كښې به زمونږ ځواب د وړاندې نه زيات سخت وي۔ ده په بېلو څانګو كښې د غوره كاركردګۍ څرګندونه كوؤنكو ته انعامونه هم وركړل۔ په دې مهال ”ټرېننګ اېنډ فلائیټ سېفټی” كښې په غوره كاركردګۍ پی اے اېف بېس شهباز او پی اے اېف بېس مصحف ته د ” سټرانګ مېن” ټرافۍ اعزاز وركړې شو۔ د ګراؤنډ سېفټی ټرافي پی اے اېف بېس پېښور ته وركړې شوه۔ دا خبره دې ياده وي چې پاك فضائيه هر درې مياشت وروستو خپل استعداد لا ښه كولو او د آپرېشنل تياريانو جاج اخستلو له خاص پروګرامونه كوي۔
![اسد عمر سره د قطر انوېسټمنټ اتھارټۍ مشر شېخ فېصل بن ثاني الثاني په مشرۍ كښې ]د سرمايه كارو](http://www.hnzyks.com/uploads/20250113/17/l5nfmhj1zzl.png)
