اسلام آباد۔13اګست (اے پی پی) صدر مملكت آصف علي زرداري پاكستاني لوبغاړي عامر خان له په تھائي لنېډ کښې په 7م تائيكوانډو چېمپئن شپ كښې د سرو زرو تمغې په ګټلو مبارکي وركولو سره وئيلي دي چې د لوبو په ډګر کښې د ځوانانو د مهارتونو ښه کولو ته اړتيا ده۔ د نهې په ورځ د ايوان صدر پرېس ونګ لخوا د جاري شوي بيان له مخې صدر مملكت د تائيكوانډو په مقابله كښې د غوره كاركردګۍ په ښودلو د عامر خان ستائنه وكړه۔ ده ووئيل عامر خان په زړه پورې كاركردګي ښودلو سره د هېواد او قام نامه روښانه كړې ده۔ صدر مملكت هيله ولرله چې عامر خان به سباؤن كښې هم د دا ډول غوره كاركردګۍ څرګندونه كوي۔ ده ووئيل پاكستاني ځوانان بلها صلاحيتونه لري ٬ په پاكستان كښې د بېلو لوبو ودې ته بايد پام وګرځولے شي۔ ده د عامر خان سباؤن لپاره د نېكو هيلو څرګندونه هم وكړه۔
