اسلام آباد – 27 – فيبروري (اي پي پي) وزيراعظم محمد شهباز شريف سان قومي اسيمبلي ميمبرن جي ملاقات دوران ملڪ جي مجموعي سياسي صورتحال تي خيالن جي ڏي وٺ ڪئي وئي. وزيراعظم آفيس جي پريس ونگ پاران جاري بيان موجب وزيراعظم سان قومي اسيمبلي ميمبرن محمد خان ڊاها ۽ افتخار نذير چوڌري جدا جدا ملاقات ڪئي. ملاقات ۾ لاڳاپيل تڪن جي معاملن ۽ ملڪ جي مجموعي سياسي صورتحال تي خيالن جي ڏي وٺ ڪئي وئي. وزيراعظم سان قومي اسيمبلي جي اڳوڻي ميمبر تهمينه دولتانه ۽ صوبائي اسيمبلي جي اڳوڻي ميمبر عرفان دولتانه پڻ ملاقات ڪئي.
