اسلام آباد – 01 – مئي (اي پي پي) اطلاعات ۽ نشريات واري وفاقي وزير مريم اورنگزيب سماءَ نيوز جي اينڪرپرسن زوهيب سليم بٽ جي والد سينيئر صحافي سليم بٽ جي لاڏاڻي تي افسوس جو اظهار ڪيو آهي. پنهنجي بيان ۾ اطلاعات واري وفاقي وزير سوڳوار خاندان سان دلي همدرديءَ جو اظهار ڪيو. هن چيو ته سليم بٽ جي لاڏاڻي جي خبر ٻڌي دلي افسوس ٿيو، سليم بٽ هڪ قابل صحافي هو، مرحوم جي صحافتي خدمتن کي سدائين ياد رکيو ويندو. اطلاعات واري وفاقي وزير دعا ڪئي ته الله تعاليٰ مرحوم کي جنت ۾ اعليٰ مقام ۽ پونئيرن کي صبر جميل ڏي.
