اسلام آباد 11 نومبر(اے پي پي) د فوډ سېكورټي او ريسرچ وفاقي وزير صاحبزاده محبوب سلطان وئيلي دي چې د وزيراعظم عمران خان په مشرې كښې هېواد د پرمختګ په لار روان دے٬ د چين دوره ډېره مهمه وه٬ د پاكستان او چين دوستې په اوسني سخت وخت كښې قېمتي ثابته شوې۔ ده دا خبرې د اتوار په ورځ اے پي پي سره په خبرو كښې وكړې۔ ده ووئيل چې د وزيراعظم عمران خان په شان ليډر هېواد د معاشي بحران نه ويستلې شو۔ ده ووئيل چې اولس اولس د تحريك انصاف مشر عمران خان ته مېنډېټ وركړے٬ اولس غوښتل چې د دوي په ژوند كښې بدلون راشي او هم دا وجه ده چې د تحريك انصاف حكومت د اولس خېر ښېګړې لپاره شپه ورځ كار كوي۔ د يوې پوښتنې په ځواب كښې ده ووئيل چې د تحريك انصاف حكومت د كروندګرو ډېر خيال ساتي او چې څومره ممكنه وي٬ دوي ته اسانيې وركوي۔ ده ووئيل چې حكومت د پاتې سيمو محرومې ختمولو لپاره كار كوي او ډېر زر به د لرې سيمو خلق هم په ژوند كښې بدلون وويني۔
