اسلام آباد 27 جنوري (اے پي پي) د وزيراعظم د روغتيا خاص مرستيال ډاكټر فېصل سلطان وئيلي دي د هېواد څخه د پوليو خاتمې ته حكومت اول پام لرنه كوي ، حكومت د كورونا وبا غوندې په سختو حالاتو كښې هم د پوليو د مخ نيوي كمپائن په كاميابې سره مخ په وړاندې بيائي، جاپان پاكستان ته د پوليو واكسين اغستو لپاره د 4.57 مليونه ډالرو ګرانټ وركوي، په دې ګرانټ به 23.66 مليونه د واكسين ډوز اخستلے شي، د دې ګرانټ په مرسته به په كال 2021م كښې د پوليو كمپائنونو په مهال د پنځو كلونو نه كم عمر ماشومانو ته د پوليو واكسين وركړے شي، په دې لړ كښې د جاپان حكومت، يونيسېف او د جاپان انټرنېشنل كارپورېشن اېجنسې﴿جائيكا﴾ ترمېنځه لوظنامه لاسليك شوې. په خپل يو بيان كښې د وزيراعظم خاص مرستيال ووئيل د پاكستان حكومت هر يو ماشوم ته د پوليو واكسين ممكن كولو لپاره په وخت ګرانټ وركولو د جاپاني حكومت او اولس مننه كوي. هيله ده مونږ به په ګډه ډېر زر نه يوازې پاكستان بلكې ټوله نړۍ د پوليو څخه پاكولو كښې بريالي شوو. ده ووئېل په پاكستان كښې د جاپان سفير د كورونا وبا په مهال سره د سختو حالاتو ماشومانو ته د پوليو څاڅكي وركوونكو د پوليو كاركنانو ستائنه كړې. ده ووئيل د جاپان حكومت به يونيسېف سره په ګډه په پاكستان كښې د پوليو خاتمې لپاره پاكستاني اولس سره خپله مرسته روانه ساتي. په دې موقع د جائيكا مشر شيګے كي فوروټا ووئيل د كورونا وبا سره هم د پوليو د مخ نيوي كمپائن روان ساتل د پاكستاني حكومت يوه ډېره لويه كارنامه ده. د يونيسېف مشر هم په دې لړ كښې د پاكستاني حكومت د هڅو ستائنه وكړه.
