اسلام آباد 30 جون (اے پي پي) وزيراعظم محمد شهباز شريف به د جولائي په 4مه نيټه وېډيو كنفرنس په فارمېټ كښې د شنګهائي مرستې تنظيم (اېس سي او) د كونسل آف هيډز آف سټيټ په 23مه غونډه كښې ګډون كوي۔ د خارجه دفتر وياندې لخوا د جمعې په ورځ د جاري بيان له مخې وزيراعظم ته د اېس سي او مشرانو په غونډه د ګډون بلنه د هند وزيراعظم د اېس سي او د موجوده مشر په حېث وركړې ده٬ کونسل آف هيډز آف سټيټ د شنګھائي مرستې تنظيم اعليٰ ترين فورم دے، په دې كښې ګډون كوٶنكي مشران به په اهمو نړيوالو او سيمه ايزو مسئلو غور او فكر كوي او د اېس سي او د غړو هېوادونو ترمېنځه مرستې لپاره به د سباٶن د سمت خاكه جوړوي۔ بيان له مخې سږ كال د اېس سي او د مشرانو غونډه به د تنظيم د نوي غړي په توګه د ايران هركلے كوي۔ بيان له مخې د مشرانو په غونډه كښې د وزيراعظم ګډون دا خبره واضحه كوي چې پاكستان د شنګهائي مرستې تنظيم سيمه ايزې سلامتيا او سوكالۍ د يو اهم فورم په توګه اهميت وركوي او منطقې سره روابط زياتوي۔
