اسلام آباد 02 اګست (اے پي پي) د موسمي بدلون وفاقی وزیرې سېنېټر شیری رحمان وئيلي دي چې توشہ خانه ریفرنس كښې د پی ټی آئی چیئرمېن عمران خان تېر كال د کرپټ پرېکټسز مرتکب كېدو او حقائق پټولو له امله نا اهل شوے ؤ۔ د توشه خانې حقائق رامخې ته كېدو نه پس تر اوسه هغه يو ځل نه څو ځله یوټرن اخستلې۔ د شورو په ورځ خپل يو ټويټ كښې دې ووئيل لومړي هغه د الېکشن کمېشن اختیارات چیلنج کړې ؤ۔اول به ئې وئيل ما د توشه خاني ډالۍ نه دي خرڅې كړې اوس وائي ما د خپل ملټری سېکرټری د لاري ډالۍ خرڅې كړې وې۔ وفاقی وزیري ووئيل نورو ته غله ويونكې عمران خان اوس د اربونو روپو ډالۍ غلا كولو دلائل وړاندې كوي۔ د خپلې صفايۍ وړاندې كولو په ځائې په حکومت د نااهل كېدو تور لګوي۔ هغه د خپل انتها خوښي سیاست په نتيجه كښې وړاندې څخه نااهل شوے دے مونږ د هغه په نااهل كولو كښې كومه خوښي نه لرؤ۔ شېری رحمان ووئيل عمران خان دې هم هغسې خپله تلاشي وركړي څنګه چې يۍ څلور كاله وړاندې د خپلو مخالفینو اخستې وه۔
