لاهور۔11اګست (اے پی پی) وزیرِاعظم شهباز شریف وئيلي دي د پاك پوځ افسران او ځوانان د پاكستان خاوره فتنة الخوارج څخه پاكوي٬ د ترهګرۍ په ضد جنګ كښې پاكستانې قام د پاك پوځ ترڅنګ ولاړ دے۔ د وزيراعظم آفس ميډيا ونګ لخوا د جاري شوې اعلاميې له مخې وزيراعظم شهباز شريف څو ورځې وړاندې په تيراه كښې د خوارجي ترهګرو په ضد كارروايۍ كښې د ژوبل شوي لېفټېنېنټ عزیر محمود ملک په شهادت هغه ته د عقيدت پېروزينې وړاندې كولو سره شهيد لپاره د لوړو درجو او غمجنې كورنۍ لپاره د صبر او زغم دعا وكړه۔ وزیرِ اعظم ووئيل لېفټېنېنټ عزیر محمود ملک د ځوانانو مشري كولو سره څلور خوارجي ترهګر ووژل۔ ده ووئيل د پاك پوځ افسران او ځوانان د پاكستان خاوره فتنة الخوارج څخه پاكوي٬ زما په شمول ټول قام د پاك پوځ مېړنو افسرانو او ځوانانو ته د عقيدت پېرزوينې وړاندې كوي۔ ده ووئيل د ترهګرۍ په ضد جنګ كښې پاكستانې قام د پاك پوځ ترڅنګ ولاړ دے۔ وزیرِ اعظم ووئيل زمونږ په شهيدانو او د هغوي په كورنيو ټول قام وياړي۔
