اسلام آباد۔9مئی(اے پی پی) قومی اسمبلی اچ اسلام آباد بین الاقوامی یونیورسٹی ٻل 2023 پیش کرݨ دی تحریک مسترد کرݙتی ڳئی ۔ منڳل کوں قومی اسمبلی اجلاس اچ طاہرہ اورنگزیب تحریک پیش کیتی جو اسلام آباد بین الاقوامی یونیورسٹی ٻل 2023 پیش کرݨ دی اجازت ݙتی ونڄے ۔ پارلیمانی سیکرٹری وفاقی تعلیم زیب جعفر اقبال تحریک دی مخالفت کریندے ہوئیں آکھیے کہیں وی یونیورسٹی دے قیام دے ٻل توں پہلے ایچ ای سی توں این او سی گھنݨ لازمی ہوندے۔ حالی تئیں ایں حوالے نال ضابطہ دی کارروائیاں پوریاں نی کیتیاں ڳیاں ۔وفاقی وزیر پارلیمانی امور مرتضیٰ جاوید عباسی آکھیے ایں حوالے نال ضابطہ دی کارروائیاں پوری کیتیاں ونڄن ۔ ایوان تحریک مسترد کر ݙتی۔ سپیکر راجہ پرویز اشرف آکھیے ایں حوالے نال ضابطے دی کارروائی پوری کرتے ٻل ایوان اچ گھن آیا ویسی ۔
