اسلام آباد۔2اکتوبر(اے پی پی) چیئرمین وزیراعظم یوتھ پروگرام رانا مشہود احمد خان نال پاکستان اچ ایتھوپیا دے سفیر جمال بکرعبداللہ ملاقات کیتی جیں اچ ݙوہیں ملکاں اچ نینگراں کو?? بااختیار بݨاوݨ سانڳے نویں رستے ڳولݨ تے سانجھی دلچسپی دے امور تے ڳالھ مہاڑ کیتی ڳئی۔ وزیراعظم یوتھ پروگرام توں جاری بیان موجب سفیر ایتھوپیا تے پاکستان ݙوہیں ملکاں اچ نینگراں دی نمایاں آبادی کوں نشابر کیتے تے تعاون دے امکانات تے زور ݙتا، انھاں توانائی تے اختراعات کوں بروئے کار گھن آوݨ دی اہمیت تے زور ݙیندے آکھیے ایتھوپیا دے نینگر موسمیاتی تبدیلی دے خلاف جنگ اچ ھک اہم کردارنبھیندے پئن ۔ رانا مشہود احمد خان موجودہ حکومت دے تحت ایتھوپیا دی متاثر کن ترقی دی تعریف کریندے آکھیے اساں آپݨے نینگراں کو?? بااختیار بݨاوݨ سانڳے تعاون کرسڳدوں ، وزیراعظم ش??باز شریف نینگراں دی ترقی سانڳے ٻہوں اقدامات چاتن جیں دا ݙوہیں ملکاں کوں فیدہ تھیسی ۔ ایتھوپیا دےسفیر مزید آکھیے پاکستانی تاجراں کوں ایتھوپیا اچ جنوری2025 اچ تھیوݨ آلی سنگل کنٹری نمائش اچ شرکت سانڳے سݙیا ڳئے ، جیڑھی تجارتی تعلقات کوں تکڑا کرݨ دا ھ?? وکھرا موقع ݙیسی ۔ملاقات اچ پاکستان تے ایتھوپیا اچ نینگراں دے مستقبل سانڳے مزید اقدامات کرݨ دا سانجھا عزم ظاہر کیتا ڳئے
