اسلام آباد 27 جولائي (اے پي پي﴾ صدر ډاكټر عارف علوي سره د سعودي خارجه وزير فيصل بن فرحان السعود د نهې په ورځ په ايوان صدر كښې ملاقات كړے۔د ملاقات په مهال د پاكستان او سعودي ترمينځه د شريكې خوښې په ټولو څانګو كښې د اړيكو اوسنۍ كچه په پراخا كولو اتفاق سره د تجارت او معيشت په څانګو كښې لا پرمختګ لپاره د دوه اړخيزه اړيكو په اداره جاتي كچه د جوړولو عزم شوے ۔صدر د سعودي خارجه وزير هركلي كولو سره ووئيل پاكستان سعودي سره اړيكو ته خاص اهميت وركوي او ورور هېواد سره د معيشت او تجارت اړيكې زياتول غواړي۔ده ووئيل د سعودي مشرتابه وژن 2030 ٬ ګرين سعودي عرب او د ګرين مينځني ختيز پروژه د ستائنې وړ ده۔صدر ووئيل د كورونا په مهال د پاكستانۍ ټولنې په خيال ساتلو د سعودي مشرتابه مننه كوو۔د نړيوالې وبا په مهال د حج په كاميابه انتظامات د سعودي حكومت د مباركۍ حقدار دے۔ صدر د ملاقات په مهال په مقبوضه جمو كشمير كښې په بې ګناه مسلمانانو د هند په ظلم و ستم رڼا واچوله او وې وئيل نړيواله ټولنه دې په مقبوضه كشمير د هند د بشري حقونو څخه د سرغړونو مخ نيوې وكړي او د ملګرو ملتونو د قراردادونو له مخې دې كشميريانو له د خپلواكۍ حق وركولو لپاره كردار ترسره كړي. صدر ډاكټر عارف علوي د سعودي خارجه وزير ته د سعودي باچا سلمان بن عبدالعزيز او ولي عهد شهزاده محمد بن سلمان لپاره د نېكو هيلو پېغام هم وركړو. ده هيله څرګنده كړه چې د سعودي خارجه وزير دورې سره به دوه اړخيزه اړيكې لا قوي شي. په دې موقع د سعودي خارجه وزير ووئيل دواړه هېوادونه په حقيقي توګه د ورورولۍ اړيكې لري. سعودي د دوه اړخيزه مرستې اوسنې كچه په ځاے ساتل غواړي. ده ووئيل د سعودي مشرتابه پاكستان سره اړيكو ته خاص اهميت وركوي او د دواړو وروڼو هېوادونو ترمېنځه اقتصادي اړيكو ته وده وركول غواړي.
