اسلام آباد۔27اکتوبر (اے پی پی) جموں تے کشمیر تے بھارت دے غیر قانونی تسلط دے خلاف یوم سیاہ دے موقع تے وفاقی دارالحکومت اسلام آباد اچ دفتر خارجہ اچ کشمیری عوام نال اظہار یکجہتی کیتے ہک تقریب تھئی جڈانجو ہک ریلی اچ کݙھی ڳی جئیں اچ وزیر مملکت برائے امور خارجہ حنا ربانی کھر، وزارت خارجہ دے افسر اتے عملے دے اراکین شریک تھیے۔ ایں موقع تے تقریب توں خطاب کریندیں ہوئیں وزیر مملکت برائے امور خارجہ حنا ربانی کھر آکھیا جو اقوام متحدہ مسئلہ کشمیر حل کرݨ کیتے آپݨا کردار نبھاوے، کشمیری عوام پچھتر سالیں توں بھارتی جبر اتے ظلم سہندے پئن، پاکستانن کشمیری عوام نال کھڑے اتے کھڑا رہسی۔ انہاں آکھیا جو 27 اکتوبر 1947 توں شروع تھیوݨ آلا ظلم اڄ وی تھیندا پے، بھارت مقبوضہ کشمیر اچ لوکاں کوں ماورائے عدالت قتل کریندا پے۔ حنا ربانی کھر آکھیا جو علاقے اچ آبادی دا تانسب بدلݨ کیتے غیر قانونی ڈومیسائل جاری کریندا پے۔ انہاں آکھیا جو بھارت 27 اکتوبر 1947 کوں سری نگر اچ آپݨٰی فوجاں لہا تے کشمیر تے غیر قانونی قبضہ کیتے۔ تقریب اچ کشمیر بارے اچ نغمہ میرے وطن دا وی اجراء کیتا ڳیا۔ تقریب اچ کشمیری عوام کیتے دعا وی کیتی ڳی۔ بعد اچ یوم سیاہ دے موقع تے دفتر خارجہ توں ریلی کݙھی ڳی جئیں دے شرکا پارلیمنٹ ہاؤس دے رستے ڈی چوک تئیں ڳے جتھ سویلے ݙاہ وڄے سائرن وجائے ڳے۔
.jpg)
.jpg)
