اسلام آباد۔5نومبر (اے پی پی):صدر مملکت ڈاکٹر عارف علوی سٹیٹ لائف انشورنس کارپوریشن آف پاکستان کوں فوت تھیوݨ آلے پالیسی ہولڈر دے لواحقین کوں ترائے لکھ روپے مالیت دے ڈیتھ انشورنس کلیم ادا کرݨ دی ہدایت کیتی اے جنہاں کوں تقریبا ًترائے سال توں کلیم دی ادائیگی نہ کیتی ویندی پئی اے ۔ صدر سٹیٹ لائف کوں مجوزہ پالیسی ہولڈرز دے پری انشورنس ٹیسٹ بارے پالیسی وضع کرݨ کیتے ڈاکٹراں دا پینل تشکیل ݙیوݨ دی وی ہدایت کیتی۔ایوان صدرپریس ونگ توں اتوار کوں جاری بیان موجب صدرمملکت اے ہدایات وفاق محتسب دے ھک حکم دے خلاف سٹیٹ لائف دی طرفوں دائر کیتی ڳئی درخواست کوں مسترد کریندے ہوئیں جاری کیتن ۔ شکایت کنندہ سعد طاہر دا موقف ہئی جو انہاں دے والد 2013 اچ سٹیٹ لائف توں 18,406 روپے سالانہ پریمیم دے نال ترائے لکھ روپے دی انشورنس پالیسی مل ڳھدی ۔ 2020 اچ انہاں دے والد دا انتقال تھیا، والددی وفات دے بعد انہاں موت دے بیمہ دا دعوی دائر کیتے جیں کوں سٹیٹ لائف ایں بنیاد تے مسترد کرݙتے جو متوفی کوں بیمہ حاصل کرݨ توں پہلے ہیپاٹائٹس سی دی بیماری ہئی جیں کوں انہاں ڄاݨ ٻجھ تے لکائے ۔ شکایت کنندہ ایں صورتحال اچ وفاق محتسب نال رابطہ کیتے، وفاقی محتسب سٹیٹ لائف توں معاملے تے ول غورکرݨ تے متوفی پالیسی ہولڈر دی طرز نال اپݨی زندگی اچ نامزد لوکاں کوں مناسب ریلیف ݙیوݨ دی ہدایت کیتی ،سٹیٹ لائف انشورنس کارپوریشن محتسب دے حکم دے خلاف صدر کنے نمائندگی دائر کیتی۔جیں تے صدر مملکت ڈاکٹر عارف علوی سٹیٹ لائف انشورنس کارپوریشن آف پاکستان کوں فوت تھیوݨ آلے پالیسی ہولڈر دے لواحقین کوں ترائے لکھ روپے مالیت دے ڈیتھ انشورنس کلیم ادا کرݨ دی ہدایت کیتی اے۔
.jpg)
.jpg)
